Tëscht Miersch an Angelsbierg koum et e Sonndeg den Owend zu engem méi uergen Accident an der Fielsser Strooss, wéi en Auto an e Bam gerannt ass.

3 Persoune goufen dem CGDIS no blesséiert. Nieft de Rettungsekippe vu Miersch, Lëntgen an aus der Nordstad war och den Ettelbrécker Samus-Noutdokter am Asaz.

E Méindeg de Moie géint 8.45 Auer ass um Houwald an der Rue des Bruyères e Motocyclist gefall a gouf blesséiert.

Zu Waasserbëlleg an der Rue St Martin gouf et e Méindeg de Moie géint 9.24 Auer eng Kollisioun tëscht engem Auto an enger Camionnette. Och hei gouf eng Persoun verwonnt.