D'Situatioun am Handwierk wier aktuell ganz ugespaant, well ee geschwächt aus der Pandemie erauskéim, d'Aktivitéite géifen zeréckgoen an d'Käschten erop.

Dat sot den Direkter vun der Handwierkerkammer Tom Wirion e Samschdeg de Mëtteg am RTL-Interview, no der Annonce vum Statec lescht Woch, dass d'Inflatioun dëst Joer méi héich wäert ausfale wéi erwaart. Am Handwierk hätt een eng Präisexplosioun op 3 Fronten: op der Energie, op de Matières premières an och beim Personal. D'Ausbezuele vun direkt e puer Indextranchen nächst Joer, wéi et vu verschiddene Säite gefuerdert gëtt, wier dann och schwiereg fir d'Handwierk, well et e ganz aarbechtsintensive Secteur wier, esou den Tom Wirion. Fir déi nächst Tripartite hofft hien deemno, dass alleguer d'Acteure mat engem oppene Geescht an d'Diskussiounen eraginn.

De kompletten Interview mam Tom Wirion