E Sonndeg an der Mëttesstonn huet de Samu mussen an den Asaz, nodeems en Auto an e Moto tëscht Buerschent a Giewelsmille anenee gerannt waren.

Am Lokale mellt de CGDIS en Accident e Samschdeg den Owend géint 20.30 Auer op der Streck tëscht Duelem a Fëlschdref. Hei sinn en Auto an e Motocyclist net laanschtenee komm. Zwou Persoune goufen derbäi blesséiert.

Géint 3.30 Auer e Sonndeg de Moien ass tëscht Berbuerg a Wecker en Auto an e Bam gerannt. Heibäi gouf eng Persoun verwonnt.

Kuerz no 12 Auer ass tëscht Buerschent an der Giewelsmillen e weideren Accident tëscht engem Auto an engem Motorrad geschitt. Och hei goufen zwou Persoune verwonnt, an nieft dem Samu vun Ettelbréck waren och nach zwou Ambulanzen op der Plaz, grad ewéi d'Pompjeeë vu Buerschent an aus der Nordstad.

E Samschdeg den Owend hat dann nach zu Wëntger een Tracteur mat senger Remorque Feier gefaangen. Hei ass et beim Materialschued bliwwen. An an der Stad hat e Blummebac gebrannt. Eng Persoun gouf blesséiert.

E Sonndeg huet zu Mamer an der Route de Holzem e Feld gebrannt. Hei blouf et beim Materialschued.