Wéi d'Police schreift, koum et en Dënschdeg am spéiden Nomëtteg zu engem uergen Accident zu Ettelbréck.

Géint 16.40 Auer hate sech op der Kräizung vun der Avenue des Alliés an der Rue Jean-Pierre Thill en Auto an e Moto ze pake kritt. De Motocyclist gouf dobäi schro verwonnt an huet nach op der Plaz misse vun de Rettungsekippe versuergt ginn. Hie koum dono an d'Spidol.

E Mëttwoch koum et zu Dikrech géint 12.45 Auer an der Rue Jean l'Aveugle zu engem Accident tëscht zwee Autoen, bei deem eng Persoun blesséiert gouf. Och zu Téiteng gouf eng Persoun blesséiert, nodeems géint 15.30 Auer zwee Autoe matenee kollidéiert waren.