D'Santé deelt mat, datt d'Zuel vun de Leit, déi un de Suitte vum Coronavirus gestuerwe sinn, bei 1.127 bliwwen ass.

Aktuell sinn 14 Persounen hospitaliséiert, ee Patient läit op der Intensivstatioun.

Am Ganze goufe bis ewell 1.290.537 Impfdosisse genotzt. De Groussdeel vun den aktuellen Impfunge si Boosteren: 459 waren ergänzend Dosen, wärend et bei zwou Persounen déi zweet Dosis war a bei dräi déi éischt.

D'Reproduktiounszuel läit bei 1,16. Wann den Taux iwwert 1 läit, bedeit dat, datt eng Persoun, déi de Virus huet, am Duerchschnëtt méi wéi eng aner Persoun infizéiert.