RTL - Tëscht der Wemperhaart an Huldang: Motocyclist stierft bei Accident op der N7

E belsche Motosfuerer, deen a Richtung Wemperhaart ënnerwee war, ass mat engem Auto kollidéiert, deen d'Fuerbunn mam Motocyclist gekräizt huet.

Duerch déi hefteg Kollisioun gouf de Moto e puer Meter wäit geschleidert. Beim Opprall huet de 34 Joer ale Motosfuerer sech esou uerg blesséiert, dass en nach op der Plaz gestuerwen ass.

D'Streck war wéinst dem Asaz an den Ermëttlungen dono komplett gespaart. D'Miess- an Erkennungsdéngschter waren op der Plaz. E Sonndeg am Nomëtteg gouf géint 15 Auer d'Streck och nach eemol fir weider Ermëttlunge gespaart ginn.

De Rettungshelikopter war hei och am Asaz.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.