Géint 17.45 Auer e Méindeg den Owend war et zu Suessem zu engem Tëschefall mat enger Chemikalie komm.

Wéi de CGDIS mellt, waren am Ganze 4 Ambulanzen, de Samu vun Esch, d'Pompjeeën aus den Asazzenteren Esch, Suessem-Déifferdeng an aus der Stad an de Groupe CBRN op der Plaz.

Vun der Police huet et op Nofro geheescht, dass et an der Industriezon Gadderscheier zu engem Aarbechtsaccident komm wier. E Schlauch hätt sech vun engem Camion geléist an dobäi wier d'Chemikalie ausgetratt. Vun de 7 Persounen, déi an d'Spidol koumen, sinn der 6 antëscht nees entlooss ginn. Nieft dem Dispositiv vum CGDIS war och d'ITM op der Plaz.