Et ass déi éischt vu sechs neien E195-E2, déi d'Luxair beim brasilianesche Produzent Embraer kaf huet.

D’Maschinn mat 136 Plazen ass an de leschten Deeg an der Embraer Fabréck zu Sao José dos Campos fäerdeg gestallt ginn.
 
Den E2 ass den Nofollger vu senger bekannter Schwëster E1. No Joerzéngten huet d'Luxair nees decidéiert, eng Commande a Brasilien ze maachen. No laangen Etudë sinn déi Responsabel vun der nationaler Airline zur Konklusioun komm, dass dëse Modell hirem Besoin am meeschte géif entspriechen.
 
Embraer ass nieft Boeing an Airbus mat ee vun de gréissten Hiersteller vu Fligeren an der Aviatioun. Bekannt si si och fir d'Produktioun vun Arméisfligeren a Privatjetten.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Eng Ekipp vun RTL war d'lescht Woch mat op der Plaz, fir en éischte Bléck op d'Zukunft vun der Luxair ze kréien. Et géif drëms goen, d'Moderniséierung vun der Flott bäizehalen an dem Client de beschtméiglechen an och sécherste Service unzebidden. Nei wier vu baussen, dass de Logo an och de Fändel hannen um Fliger an den original Faarwen vum Lëtzebuerger Fändel ass. Domadder wéilt ee senger Identitéit als national Airline trei bleiwen.
 
Den neie Fliger gëtt lo a Brasilien prett gemaach fir den éischte Vol, ier en dann an e puer Méint um Findel soll landen. Mam éischte kommerzielle Vol ass Ufank 2026 ze rechnen.