5 Gasfläsche ware vun engem Camion gebonzelt, 4 dovu konnte séier geraumt ginn ... D'Strooss hat musse gespaart ginn.

Um Méindeg de Moie géint 10 Auer ass et zu engem Tëschefall zu Mamer an der Areler Strooss komm.

E Camion, dee Gasfläschen transportéiert huet, hat eng Box, an där 5 Fläschen dra waren, verluer. Well d'Fläschen zum Deel beim Fale beschiedegt goufen, konnten der just 4 séier evakuéiert ginn - eng ass leie gelooss ginn, fir méi spéit vun enger Spezialentreprise ewechgeholl ze ginn.

Wéinst de Gasfläschen huet en Deel vun der Areler Strooss musse fir den Trafic gespaart ginn.

RTL

© cisma.lu

Am Asaz war de Mamer Interventiounszenter.

RTL

© cisma.lu