No der ADR-Kritik um Titel vun der Broschür "GUDD!", woubäi dee leschten D um Bauch läit, erkläert sech elo d'Agence, déi d'Heft erausbruecht huet.

"Gudd" amplaz "Gutt" - an dat am Titel. Dëse Schreiffeeler war der ADR direkt an d'A gesprongen a war der Partei en Dar am A. Et war just ee vu ville Kritikpunkten un där Broschür, déi rezent verdeelt gouf, a per Communiqué huet d'ADR ënnert anerem wësse gedoen:

D'Lëtzebuerger Stéit hunn an dësen Deeg eng Broschür heemgeschéckt kritt, wou direkt zwee Ministeren dran optrieden: d'Ëmweltministesch Carole Dieschbourg an de Landwirtschaftsminister Fernand Etgen. Et geet doranner haaptsächlech ëm d'Verbëtze vun Iesswueren. Wann een d'Broschür esou kuckt, ass et awer éischter e Verbëtze vu Pabeier (a vun de Beem, aus deene Pabeier gemaach ginn ass). Dat Maachwierk heescht "Gudd", dat näischt heescht. "Gudd" soll wuel dat Lëtzebuerger Adjektiv "Gutt" sinn.

RTL.lu hat de Gudd/Gutt-Communiqué opgegraff an dorop huet elo d'Elodie Rousseau-Vercel, Directrice vun der Kommunikatiounsagence Maison Moderne reagéiert. Si gëtt zou, datt den Titel fir Froe gesuergt huet:

La sortie nationale de notre publication pour le compte du Ministère de de l'Agriculture, de la Viticulture et de la Protection des consommateurs a parfois suscité de l'étonnement voire de l'incompréhension quant à son titre Gud :-)!

Iech fält op: D'Elodie Rousseau-Vercel schreift net Gudd, mä Gud :-)

Aus guddem Grond, well den Titel wier am Fong net Gudd, mä Gud mat engem Smiley. A Gud gouf gewielt, well et en Kontraktioun soll si vum lëtzebuergeschen "Gutt" a vum englesche "good" - dat géif Gud erginn. Hei d'Erklärung:

Afin de dissiper tout malentendu éventuel, nous portons à votre connaissance un communiqué qui clarifie notre volonté de mettre en avant l'ancrage national et l'ouverture sur l'extérieur du Luxembourg.

La contraction de Gutt et de Good donne Gud. Et en ajoutant un smiley final, nous avons inventé un nom, un logo et une marque qui symbolisent cette double culture.

An engem extrae Communiqué hëlt Maison Moderne och Bezuch op déi nei Signature vu Lëtzebuerg:

Dans le même esprit que le nation branding a donné naissance à une identité visuelle qui symbolise l’ouverture aux autres, avec une nouvelle signature en anglais « Luxembourg. Let’s make it happen », le magazine Gud:-)! revendique la riche diversité du Luxembourg.

Den Italiener géif wuel soen: Se non è vero, è ben trovato ...

An dësem Sënn: gudden Owend an eng gutt Nuecht ;-)