© Patrick Greis
Adrett gekleet mat Uniform, a seng markant Stëmm, hunn iwwer Joren den Armand Jaminet ausgemaach. De fréieren Chefinspekter vun der Police huet a senger Karriär vill ënnerschiddlech Etappen materlieft. 2 Joer bei der Police Secours, d'Verkéierspolice, d'Instruction routière, d'Policeschoul a no der Fusioun vun Gendarmerie a Police war hien zu Waasserbëlleg, Iechternach a Gréiwemaacher. Am Bistrot de la Presse beim Dan Spogen, Raoul Roos, Mike Fandel a Shari Schenten stoung awer de Mënsch hannert dem Polizist am Mëttelpunkt. Piano: Marc Schmidt
Muer géint 17h10 zielt de fréieren Chefinspekter Armand Jaminet wéi hien säin Führerschäin bei der Arméi krut, an dass säin éischten Tour mat sengem Chef vum Härebierg bei e Café gefouert huet. Säin éischten Asaz bei der Police war 1972 beim Grand-Prix d'Eurovision de la Chanson
De ganze Podcast gëtt et ëmmer samschdes op RTL PLAY an op ville Podcast-Plattformen
