An der Emissioun am Gespréich iwwer Sport e Freideg tëscht 12 an 13 Auer haten de Gilles Muller an de Franky Hippert d'Jenny Warling bei sech op Besuch.

Déi 25 Joer al Sportlerin gouf virun engem décke Mount a Spuenien Karate-Europameeschterin an der Kategorie bis 55 Kilo. Do virdru war si wéinst engem Kräizbandrass wärend ronn 8 Méint out.

2014 war d'Karateka vu Walfer scho Vizeeuropameeschterin, 2013 Europameeschterin bei den U-21 an 2012 Vizeeuropameeschterin bei de Juniorinnen.

Grousst Zil fir d'Jenny Warling ass, sech fir d'Olympesch Summerspiller d’nächst Joer zu Tokio ze qualifizéieren.

AUDIO: Am Gespréich: Jenny Warling

D'Emissioun "Am Gespréich ..." vu méindes bis freides tëscht 12 an 13 Auer op RTL Radio Lëtzebuerg an am Livestream op RTL.lu, wou duerno och de Replay (Audio a Video) ze fannen ass.