'Lëtz' Step To Fairtrade' heescht d'Campagne vu Fairtrade Lëtzebuerg. Dëst Joer geet se scho fir déi 7. Kéier iwwer d'Bühn.

Fir d'ONG, d'Geleeënheet jiddereen op d'Problematik vum ongerechten Handel opmierksam ze maachen. Nach bis de 19. Mee engagéiere sech Schoulen, Lycéeën,  Entreprisen an Associatiounen am ganze Land mat Ausstellungen, Brunchen, Filmprojektiounen an Degustatiounen vu fair gehandelten Produiten. Dëst Joer sinn net manner ewéi 110 Aktiounen.

AUDIO: Am Gespréich: Jean-Louis Zeien

De 17. Mee ass de #FAIRFRIDAY, de nationalen Challenge, bei deem all eenzelne sech ka fir de gudden Zweck ka fotograféieren oder fotograféiere loossen. De Jean-Louis Zeien vu Fairtrade Lëtzebuerg huet erkläert, op wéi eng verschidde Manéieren si sech géint d'Aarmut a sozial Ongerechtegkeeten  asetzen an dofir dass d'Mënscherechter agehale ginn.

D'Emissioun "Am Gespréich ..." vu méindes bis freides tëscht 12 an 13 Auer op RTL Radio Lëtzebuerg an am Livestream op RTL.lu, wou duerno och de Replay (Audio a Video) ze fannen ass.