Eis Emissioun am Gespréich um Freideg iwwer Sport kënnt dës Kéier vu Minsk. Invité war den Directeur Technique vum COSL.

Den Heinz Thews ass och de Chef de Mission vun der Lëtzebuerger Delegatioun bei de European Games. Um Freideg den Owend fänkt an der wäissrussescher Haaptstad déi 2. Editioun vun den Europaspiller offiziell un. 4.000 Athleten aus 50 Länner sinn an 23 Disziplinnen am Asaz. Dorënner sinn och 24 Lëtzebuerger Sportler a Sportlerinnen, déi an 9 Sportaarten, de Grand-Duché vertrieden.

Mam Heinz Thews hu mer driwwer geschwat, wéi een esou e Multisportevenement op organisatoreschem a logisteschem Plang preparéiert, a wat ee vun de verschiddenen COSL-Athleten erwaarde kann.

D'Emissioun "Am Gespréich ..." vu méindes bis freides tëscht 12 an 13 Auer op RTL Radio Lëtzebuerg an am Livestream op RTL.lu, wou duerno och de Replay (Audio a Video) ze fannen ass.