Mam Éiere-Buergermeeschter vun der Gemeng Waldbëlleg hu mer iwwer de Gebuertsdag vun engem nationale Symbol geschwat.

Am Gespréich: Jean-Luc Schleich

Dëst Joer feiert de Schéissendëmpel am Mëllerdall 140 Joer. Et ass am Fong d’Bréckelchen, déi Gebuertsdag huet, de Waasserfall gëtt et scho méi laang. D’Bréck gouf gebaut, fir den Tourismus am Mëllerdall unzekuerbelen.

Se huet schonn esou Munches matgemaach, inklusiv den Iwwerschwemmungen d’lescht Joer, a steet nach ëmmer. Firwat se esou stabil ass, wéi genee se gebaut gouf a firwat de Schéissendëmpel haut nach esou attraktiv ass, hu mir tëscht 12 an 13 Auer héieren. Donieft gouf ee gewuer, wat an de Steng vun der Bréck soll verstoppt sinn...

D'Emissioun "Am Gespréich ..." vu méindes bis freides tëscht 12 an 13 Auer op RTL Radio Lëtzebuerg an am Livestream op RTL.lu, wou duerno och de Replay (Audio a Video) ze fannen ass.