An onsem Face-à-face e Mëttwoch de Moie goung et drëm, wéi eng wirtschaftlech Entwécklung mer wierklech wëllen.

Et musse Critèren developpéiert gi fir Industrie-Projeten, déi net an eist Land passen, virzäiteg ze detektéieren an  da mat den Investisseuren doriwwer ze schwätzen, fir keen Image-Schued ze hannerloossen. Dat ass d'Conclusioun aus eisem Face-à-Face um Mëttwoch de Moien tëscht dem Direkter vun der Fedil an der Presidentin vum MouvEco, wou et drëms gaangen ass, wat fir eng wirtschaftlech Entwécklung mir fir Lëtzebuerg brauchen a wëllen.

AUDIO: De Face-à-face: Blanche Weber vs René Winkin

Google, Fage a Knauf si grouss Industrieprojeten, déi fir vill Kritik rezent gesuergt hunn. Dat wär awer kee generelle Phänomen. Suerge mécht dem Direkter vun der Fedil René Winkin awer virun allem fir Schwieregkeete fréizäiteg erauszefannen, iert een Industrieprojet komplett zerriet gëtt. Dat wär een Image-Schued no bausse fir Lëtzebuerg.

„Wann mer een Investisseur hunn, deen 3 Joer hei waart, dee Milliounen -net elo fir een Terrain, mä eleng fir Dossieren ausginn huet – an herno erausgeet an och via Press, an dat gëtt jo och am Ausland vun Ambassaden hei opgegraff, seet „déi froen ëmmer no,  ech sinn higehalen ginn, eigentlech ware se frou, wéi ech dann decidéiert hunn anzepaken“. Wann ee Projet net passt an ech wierklech net soen, dass ëmmer all Projet muss sinn a passen, well et kënne ganz kloer objektiv Grënn ginn, firwat ee Saachen net mécht. Da wär et gutt, dass een dat fréizäiteg fënnt. Dass ee vläicht och esouguer Betriber, déi méi problematesch sinn, guer net aktiv siche geet. An déi, déi passiv hei uklappen, dass een deenen ze verstoe gëtt, wou se drun sinn“.  

Dat konnt d’Presidentin vum MouvEco Bnlanche Weber genee esou ënnerschreiwen.

„Ech mengen, wou mir op enger Linn leie ganz sécherlech, dat ass, dass et net serieux ass, dass d'Lëtzebuerger Land nach ëmmer net definéiert huet wéi eng Betriber mir zu Lëtzebuerg wëllen an och wierklech keng Diskussioun bis zum Schluss gefouert ginn ass, wéi eng Critèrë mir wëllen applizéieren, fir déi Betriber, déi op Lëtzebuerg solle kommen. Critèren a villen Hisiichten: wéi stelle mir eis eng ekonomesch Entwécklung vun eisem Land vir, awer och wéi eng ekologesch Leitplanke gi mir eis“.

Et géing e Manktem un Diskussiounskultur ginn an och d'Regierung wär do gefuerdert. De Staat hätt hei, Zitat Blanche Weber: "eng verdammte Flicht ..."

Zum Thema nohaltege Wuesstem gouf hei am Land jo 2016 jo eng Etüd iwwer dem Rifkin seng „Drëtt Industriell Revolutioun“ gemaach.  D’Kritik koum vum Blanche Weber, dass een och dovunner näischt méi héieren hätt.  Déi leschte Kéier war 2016 wéi 9 Mesuren presentéiert goufen