Eise Kierper produzéiert ganz effikass Substanze géint de Wéi, déi een Endorphinen nennt. Dës opiumaarteg Substanzen entstinn am Gehier an hiren Effekt ass mat deem vum Morphium ze vergläichen: si ënnerdrécken d'Péng. Wat kann een also maachen, fir den Niveau vun Endorphinen ze erhéijen? Majo, Michèle, déi einfachst Manéier ass…?

17122020 Gutt a Form - Grenn fir mei ze laachen

Laachen!!!

Dat ass fir eisen Organismus eng richteg kierperlech Übung: Fir d’éischt emol zitt duerch d’Laachen d’Zwerchfell (de Muskel tëschent Bauch a Broscht) sech zesummen, doduerch ginn d’Longen zesummen- an d’Loft erausgedréckt. Dofir ass et och esou, dass, wa mir vill laache mussen, d’Loft aus eisem Organismus eraus gepresst gëtt a mir eis vu Laachen diebelen.

Laachen huet awer nach vill aner Avantagen (opgepasst, d’Lëscht ass laang!). Laachen-
-    reduzéiert de Bluttdrock
-    verbessert d’Duerchbluddung an de Sauerstoffgehalt am Blutt, doduerch gëtt d’Häerz geschützt an d’Gefor vu kardiovaskulären Accidenter reduzéiert
-    boost den Immunsystem andeems et d’Zuel vun den Immunzellen an den Antikierperen, déi d’Infektioun bekämpfen, eropsetzt an eis méi widderstandsfäeg géint Krankheete mécht
-    ass e gudden Training fir d’Bauchmuskelen, d’Otemweeër, d’Gesiichtsmuskelen, d’Been an de Réck
-    entspaant de Kierper a reduzéiert verschidde Stresshormone wéi Kortisol oder Adrenalin
-    schützt virun Infektioune vun den Otemweeër
-    verbessert d’Gediechtnes a fërdert d’Léieren (well d’Laachen all d’Partië vum Gehir stimuléieren)
-    verbessert d’Kreativitéit an de Verhalt
-    a fërdert eis sozial Kontakter!

Laachen ass gesond, da komm mir maachen dat méi dacks!