Eisen Invité vun der Redaktioun e Freideg de Moie war den LSAP-Deputéierte Marc Angel.

"Et ass nach alles méiglech…"

Där Meenung ass de Marc Angel, de President vun der Chamberkommissioun fir baussecht Affären, deen e Freideg de Moien eisen Invité vun der Redaktioun war.

Gemengt huet hien domadder de Brexit, a wéi et elo bis Enn Oktober soll weider goen.

London wier elo kloer an der Bréngschold, a vun engem Deal mat der EU, iwwert en No-Deal-Brexit, Neiwalen zu London bis hin zu engem 2. Referendum wier weider alles dran.

D’Bréisseler Kommissioun an d’Memberlänner hätten alles gemaach, fir en Deal mat der EU hinzekréien. De Ball läit kloer net méi bei den Europäer, mä de Ball läit bei de Briten, sou den LSAP-Deputéierten.

Der britescher Regierung elo 6 Méint méi Zäit ze ginn, wier dohier en Akt vu Pragmatismus a enger gesonder Responsabilitéit gewiescht, sou nach de Marc Angel.

AUDIO: Invité vun der Redaktioun: Marc Angel

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.