Eisen Invité vun der Redaktioun e Mëttwoch de Moie war den Éierenhofmarschall Guy de Muyser.

„De Kapp hänke loossen, ass keng Optioun. Dat wier och iwwerhaapt net am Sënn vum Verstuerwenen gewiescht.“

Dat sot um Mëttwoch de Moien den Éierenhofmarschall Guy de Muyser als eisen Invité vun der Redaktioun.

Hie war 12 Joer laang, vu 1970 bis 1981 Maréchal de la Cour ënnert dem Grand-Duc Jean, deen hien als en immens léiwen an éierleche Mënsch bezeechent.

Och an Zäite vu Staatstrauer misst den Haff elo weiderhi seng representativ Aarbechte weider féieren.

Virun allem bei der Organisatioun vum Staatsbegriefnes de 4. Mee kéim do vill Aarbecht op den Haff duer, seet de Guy De Muyser.

De Grand-Duc Jean hätt e wichtege Message ginn, nämlech deen dass all Mënschen gläich sinn. D’Famill, d’Natur oder de Sport hätten him och ëmmer um Häerz geleeën.

De Guy De Muyser sot sech immens dankbar fir seng Zäit als Maréchal de la cour, am Déngscht vun engem, wéi hie sot: formidabele Mënsch.

AUDIO: Invité vun der Redaktioun: Guy de Muyser

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.