Den Nicolas Buck vun der UEL war um Dënschdeg de Moien eisen Invité vun der Redaktioun.

Feierdeeg ewech huelen, an duerch Congésdeeg ersetzen... Déi Idee huet de Nicolas Buck um Dënschdeg de Moien als eisen Invité vun der Redaktioun erkläert.

Fir de President vun der UEL ass den neie Feierdag den 9. Mee, en Dar am A vun de Betriber am Land. Et wier alt nees e Wochendag, wou net kéint geschafft ginn.

Bei de Minimum vu 26 Congésdeeg kéimen elo deemno weider 11 Feierdeeg derbäi.

Den Nicolas Buck stellt dofir d’Fro an de Raum, op et an Zukunft vläicht soll méiglech sinn, Feierdeeg ewechfalen ze loossen, a se duerch normal Congésdeeg fir de Salarié ze ersetzen.

Dat hätt den Avantage, dass de Salarié sech méi flexibel kéint fräi huelen, an de Betrib weider kéint op hunn, spréch produktiv sinn.

E geneeë System, wéi dat kéint ausgesinn, misst een natierlech nach am Detail ausschaffen, mä et hätt een déi Iddi awer och schonns dem Aarbechtsminister erkläert.

AUDIO: Invité vun der Redaktioun: Nicolas Buck

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.