E Freideg de Moie war de Generalsekretär vum Fonds National de la Recherche eisen Invité vun der Redaktioun.

D’Fuerschung zu Lëtzebuerg ass mëttlerweil international visibel a bekannt. Dee Fazit huet um Freideg de Moien den Dr. Marc Schiltz als eisen Invité vun der Redaktioun gezunn.

De Generalsekretär vum Fonds national de la recherche jugéiert Lëtzebuerg als en immens attraktive Fuerschungsstanduert, dee ganz international ass.

Den FNR feiert dëst Joer 20. Gebuertsdag a seng Haaptmissioun ass et Fuerschung ze finanzéieren an ze promouvéieren. Dofir stinn dem Fong pro Joer ronn 80 Milliounen € zur Verfügung, wouvun e groussen Deel aus dem Staatsbudget kënnt.

De Staat ass et dann och, deen d’Fuerschungs-Felder definéiert, an déi investéiert gëtt. Wat déi eenzel Projeten ugeet, do huet den FNR eleng awer d’Decisiounsgewalt, sou de Marc Schiltz.

Als Prioritéiten huet hie beispillsweis de bio-medezinesche Beräich opgezielt, dee sech ganz gutt entwéckelt hätt, oder d’Materialwëssenschaften, wou een och vill Interaktiounen mat der Industrie hätt.

Invité vun der Redaktioun: Dr. Marc Schiltz

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.