E Méindeg war de President vun der ANCES Charel Schmit eisen Invité vun der Redaktioun.

Fënnef Prozent vun den 13 Honnert Kanner, déi zu Lëtzebuerg a Fleegefamillen oder a Strukture sinn, si sougenannte "Systemsprenger". Dat sot de Charel Schmit e Méindeg de Moien als Invité vun der Redaktioun. Hien ass President vun der ANCES, dem Lëtzebuerger Fachverband fir Sozial Aarbecht, Bildung an Erzéiung. Dat heescht, datt dës Kanner vun enger Struktur an déi aner kommen an am System net uerdentlech encadréiert kënne ginn. Et géif him net zoustoen, e Bilan vun den neie Centres socio-thérapeutiques ze maachen, esou de Charel Schmit. Hien huet betount, et misst d'Zil sinn, datt d'Kand en Deel vun der Gesellschaft gëtt, an net datt et mordikus an de Schoulsystem muss erapassen.

Neit Jugendschutzgesetz gëtt kannergerecht
Fënnef Prozent vun den 13 Honnert Kanner, déi zu Lëtzebuerg a Fleegefamillen oder a Strukture sinn, si sougenannte "Systemsprenger".

Bei der Reform vum Jugendschutzgesetz schwätzt de Charel Schmit vun engem neien Ament zanter Fréijoer - zanterdeem géif en Effort gemaach ginn, fir vun deem ze repressive Modell vum éischten Entworf fortzekommen. De President vun der ANCES ass zouversiichtlech, datt déi nei Justizministesch Sam Tanson dës Aarbecht am Sënn vum Kannerrecht viruféiert. Si hätt jo och Erfarung duerch hir Aarbecht als Deputéiert un der Reform vum Scheedungsgesetz an un der Aféierung vum Familljeriichter.

Invité vun der Redaktioun: Charel Schmit

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.