En Dënschdeg de Moie war de Generalsekretär vun der Horesca, de François Koepp, eisen Invité vun der Redaktioun.

Dem Secteur geet et gutt, Plattforme wéi Airbnb maachen awer Suergen. Dat sot de François Koepp, Generalsekretär vun der Horesca, am RTL-Interview.

Dee Secteur vun der kuerzzäiteger Locatioun muss regléiert ginn, soss hu mer eng onfair Konkurrenz. Déi Plattformen hunn nämlech net déi nämmlecht streng Reegelen ze respektéieren, wéi déi traditionell Hotellerie. A se bezuelen och keng Steieren.

An der Chamber geet et jo um Dënschdeg de Mëtten an enger ëffentlecher Debatt ëm eng Petitioun déi fuerdert, datt ee Krunnewaasser a Restauranten an a Caféen soll kréien. Do feelt et dem François Koepp vun der Horesca nach un kloren Detailer, wéi dat genee soll funktionéierten, zum Beispill wann d'Waasser verknascht ass.

A wat ass Allgemeng den Opwand? An natierlech ass d'Waasser aus de Fläschen och en Deel vum Ëmsaz vun de Restauranten an de Caféen, sou nach de François Koepp.

Invité vun der Redaktioun: François Koepp

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.