E Méindeg de Moie war de President vum Groupement vun den Entrepreneuren den Invité vun der Redaktioun.

Et war e bëssen holpereg um Ufank op de Chantieren. Mir haten net vill Zäit eis ze preparéiert. Dat sot de Jean-Marc Kieffer, President vum Groupement vun den Entrepreneuren, iwwert d'Reprise vun de Chantiere virun zwou Wochen, dat no engem Mount Zwangspaus wéinst dem Coronavirus. Hien war onsen Invité vun der Redaktioun um Méindeg de Mueren.

Elo wier een awer ukomm,  de Mask géif vill gedroen, et géif vill desinfizéiert an d'Leit um Bau géife sech un d'Consignen halen. D'Entrepreneure fuerderen awer, datt nach méi am Secteur, an zwar flächendeckend, soll getest ginn.

Den ekonomeschen Impakt vun der Corona-Kris op de Bausecteur wier awer grouss. Et géif een den Ament mat negative Margen fueren a scho virun der Kris wieren d'Margë kleng gewiescht, well ee mat haarder an deels onfairer Konkurrenz aus dem Ausland ze kämpfen hätt.

Et wier och net ze evitéieren , datt déi zousätzlech Käschte wéinst de Sécherheetsmesuren, an Zukunft, op d'mannst zum Deel, dem Client wäerte verrechent ginn, sou nach de Jean-Marc Kieffer, President vum Groupement vun den Entrepreneuren.

Invité vun der Redaktioun: Jean-Marc Kieffer

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.