En Donneschdeg de Moie war de Psycholog Gilbert Pregno eisen Invité vun der Redaktioun.

D'Leit déi dat ausgeschafft hunn, haten en Tunnelbléck a ware sech der Komplexitéit net bewosst. Ech hu kee gutt Gefill. Dat sot de Gilbert Pregno zur Reouverture vun der Grondschoul.

De President vun der consultativer Mënscherechtskommissioun war onsen Invité vun der Redaktioun.

D'Ëmsetze vun dëser spezieller Rentrée wier natierlech schwiereg an et wier e risegen Duercherneen. Dee wier net gutt fir d'Kanner, mengt de Psycholog Gilbert Pregno, deen awer am Prinzip derfir ass, datt d'Kanner nees an d'Schoul ginn.

Schoul a Kolleege gesinn, wier e wichtege Bestanddeel am Liewe vun engem Kand. D'Kanner 6 Méint doheem loossen, wier dowéinst och keng Optioun.

D'Angscht virun der Reouverture wier am September wuel d'nämmlecht. Dat wier awer mënschlech, esou nach de Gilbert Pregno.

Invité vun der Redaktioun: Gilbert Pregno

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.