E Mëttwoch de Moie war d'Ëmweltministesch eis Invitée vun der Redaktioun.

03/06/2020 Resumé Invité Dieschbourg 12h30 -kollwelter

D’Corona-Pandemie huet eis gewisen, dass mer solidaresch sinn, handlungsfäeg an dass mer Krise kënne bewältegen. An dat gëllt och fir aner Krisen an deene mer aktuell sinn, wéi d'Klimakris zum Beispill. Dat sot d’Ëmweltministesch Carole Dieschbourg de Moien als eis Invitée vun der Redaktioun.

Engersäits misst een elo kucken, wéi ee konkret Léisungen direkt zu Lëtzebuerg kéint ëmsetzen. Dat mat substantielle finanziellen Hëllefe fir de Bierger, zum Beispill am Kader vun den Initiativen „Clever wunnen“ a „Clever fueren“, wou ee Subside kritt, fir ze renovéieren oder fir een Elektro-Auto ze kafen. Laangfristeg misst een anerersäits d'Investitiounen héich halen, besonnesch an de Beräicher Digitaliséierung, Teletravail, Klimaschutz an nohalteg Landwirtschaft. Mesuren, déi sech och am Klima- an Energieplang erëmfannen.

Am Secteur vun der Aviatioun zum Beispill misst ee finanziell Hëllefen u gewësse Konditioune koppelen. Do kéint een hei am Land op de nämmlechte Wee goen, wéi Frankräich, wou Volle vu manner wéi zwou Stonnen, fir déi et och gutt ugebonnen Zuchstrecke ginn, net méi ugeflunn ginn.

Och d'Aviatioun kéint sou hiren Deel zum Klimaschutz mat bäidroen, sou nach d'Ministesch.

Invité vun der Redaktioun: Carole Dieschbourg

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.