E Mëttwoch de Moie war de Managing Director vun der Banque de Luxembourg Investments eisen Invité vun der Redaktioun.

De Staat mécht Scholde fir der Ekonomie aus der Kris ze hëllefen, déi d'Pandemie provozéiert huet. Wee bezilt dat alles? Wou kommen déi Suen hir? Dat freet den Invité vun der Redaktioun, de Guy Wagner, Managing Director bei der Banque de Luxembourg.

Et hätt een e Scholdeprobleem... weltwäit. Wann deen net geléist gëtt, géif ee riskéiere vun enger Kris an déi nächst ze falen.

Zënsen artificiell niddreg halen, géif de Leit villäicht an enger éischter Phase hëllefen, géif awer zu Verzerrunge féieren.
D'Signal-Wierkung vun de Präisser wier net méi do. En ongesonde Wuesstem géif esou ënnerstëtzt ginn.

Zënse wäerten awer net an d'Luucht goen, esou den Economist Guy Wagner. D'Zentralbanken hätte sech ebe fir eng Niddregzëns-Politik decidéiert.

Invité vun der Redaktioun: Guy Wagner

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.