E Mëttwoch de Moie war den neie Generaldirekter vu LuxairGroup eisen Invité vun der Redaktioun.

Luxair ass eng Qualitéitsairline a wäert eng bleiwen. Mir wëllen de Leit eng sécher Vakanz ubidden, sot e Mëttwoch de Moien de Generaldirekter vu LuxairGroup, de Gilles Feith. Hie war eisen Invité vun der Redaktioun. Zanter engem Mount ass hien den neie Chef bei der Luxair.

All Owend géif een d'Situatioun op de verschiddenen Destinatiounen evaluéieren a wann néideg upassen.

Bis zu 3 Wochen am Viraus bitt d'Luxair och un de Vol oder d'Vakanz net z'annuléieren, mä op d'nächst Joer ze verréckelen.

Am Mee an am Juni hätt een et fäerdeg bruecht méi ze fléie wéi d'Konkurrenz. Am Juli géif ee bei 60% leien, am August bei 70%.

Déi Strecken, déi mer fléien, do hu mer Margë gemaach, seet de Luxair-Generaldirekter. D'Luxair an d'Hotellen op den Destinatioune géife fir d'Sécherheet suergen, mä all Eenzele misst dat och maachen.

Bis zu 30% vum Personal bei der Luxair schafft nach am Chômage partiel.

Am Ausland mussen Airlinne staatlech gehollef kréien. Fir d'Luxair, sot de Gilles Feith, datt d'Reserven net onendlech wieren.

Et géif ee mat den Aktionäre kucken, wat ze maache wier.

Invité vun der Redaktioun: Gilles Feith

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.