En Dënschdeg de Moie war den Direkter vun der Sacem eisen Invité vun der Redaktioun.

"Den Opschwong iwwert digital Plattformen kann ni dat opfänken, wat verluer gaangen ass duerch d’Pandemie". Direkt Recettë si jo ewechgefall, wéi ënnert anerem Concerten. Bis zu 70% Baissë wieren et a verschidde Secteuren.

Dat sot de Marc Nickts, den Direkter vun der Sacem um Dënschdeg de Moien als eisen Invité vun der Redaktioun.

D’Sacem ass jo d’Société des auteurs, compositeurs et éditeurs de musique, déi d’Museker vertrëtt an d’Droits d’auteure fir si sammelt, wann hir Musek gespillt gëtt.

Aktuell ginn et zu Lëtzebuerg 1.200 Aktiver aus der Musekbranche, vun deenen der eng 450 reegelméisseg Rechter generéieren.

De Marc Nickts ass iwwerdeems net der Meenung, dass d’Corona-Kris derzou gefouert huet, dass Museker d’Bengele bei d’Tromm geheit hunn. Et wier éischter de contraire geschitt, mat neien Iddien an Inspiratiounen.

Invité vun der Redaktioun: Marc Nickts

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.