Géint de Spuenier war op senger Honda och e Sonndeg beim Grousse Präis vun Däitschland um Sachsenring kee Kraut gewuess.

De Marc Marquez huet e Sonndeg um Sachsenring an Däitschland seng 10. Victoire noeneen gefeiert an dat op eng dominant Aart a Weis. De spueneschen Honda-Pilot hat um Enn knapp 5 Sekonne Virsprong op de Maverick Vinales op Yamaha, Drëtte gouf de Cal Crutchlow op Honda.

An der WM-Wäertung steet de Marquez no 9 vun 19 Courssen mat 185 Punkten un der Spëtzt. Do hannendru kënnt den Andrea Dovizioso mat 127 Punken.

An der Moto3 konnt sech de Lorenzo Dalla Porta vun der Ekipp Leopard duerchsetzen. Et war eng turbulent Course, wou de Canet an der zweetleschter Kéier d'Féierung un den Dalla Porta huet missen ofginn. Domat huet de Mann vu Leopard elo och nees d'Féierung an der WM-Wäertung zeréck. Hien huet do 2 Punkten Avance op de Canet.

Moto3: Victoire fir den Dalla Porta vu Leopard
Et war eng turbulent Course, wou de Canet an der zweetleschter Kéier d'Féierung un den Dalla Porta huet missen ofginn.