Am Ferrari Challenge Europe ass dëst Joer mam Olivier Grotz och e Lëtzebuerger mat um Depart.

De Ferrari Challenge Europe ass a verschidde Klassen agedeelt. Den Olivier Grotz fiert hei an der Trofeo Pirelli AM fir d'Team Formula Racing, dëst op engem Ferrari 488 Challenge EVO.

Bei den éischten zwou Courssen stoung de Lëtzebuerger och direkt 2 mol um Podium, dëst de 4. a 5. Juli zu Imola an Italien, wou e jeeweils 2 mol op Plaz 3 a senger Klass iwwert d'Zillinn gefuer ass. Genee d'selwescht ass et gaangen den 18. an 19. Juli zu Barcelona, wou hien och all Kéiers op Plaz 3 gelant ass.

Zu Portimao (Portugal) ass et dunn um Samschdeg nach besser gelaf. An der Course ass et um Enn am Gesamt d'Plaz 2, ma vill méi wichteg fir hien ass d'Victoire an der Klass Trofeo Pirelli AM. Hie behaapt sech virum Matus Vyboh an dem Frederik Paulsen.

Um Sonndeg war dunn eng weider Course, bei där et allerdéngs net sou gutt gelaf ass. Den Olivier Grotz gouf vum Vyboh wärend der Course gedréint, wouduerch hie keng Chance méi hat un der Spëtzt mat ëm eng gutt Platzéierung ze fueren. De Vyboh krut eng 10 Sekonne-Strof wéinst deem Manöver. No 30min Course kënnt den Olivier Grotz als 5ten am General iwwert d'Arrivée an op Plaz 3 an der AM-Wäertung.