E Sonndeg de Mëtteg ass um Sachsenring déi 4. Manche vum Porsche Carrera Cup Däitschland gefuer ginn.

E Samschdeg war den Dylan Pereira bei der 2. Manche vum Porsche Carrera Cup um Sachsenring op déi 1. Plaz gefuer. E Sonndeg de Moien stoung dunn déi 3. Manche um Programm. No engem schwaache Start ass de Pereira hannert dem Larry ten Voorde deen Zweete ginn.

Um Nomëtteg stoung du fir Coureuren déi 4. Manche um RDV. De Dylan Pereira ass eng ganz gutt Course gefuer an louch vun Ufank un op der 1. Plaz. Hien huet eng ganz kontrolléiert Course gefuer a gewënnt no der 2. Manche um Samschdeg och déi 4. Manche um Sachsenring. De Dylan Pereira huet duerch seng Victoire de Réckstand am General op den Larry ten Voorde op 11 Punkten konnte verkierzen.

© Kraehling

Resumé vun der 3. Manche

Nom Start war den Dylan Pereira op déi 5. Plaz zeréckgefall. De Lëtzebuerger konnt sech duerch ee staarkt Iwwerhuelmanöver an der 2. Ronn awer nees op déi 3. Plaz no vir schaffen. Un der Spëtzt ass de Larry ten Voorde eng souverän Course gefuer an huet sech d'Victoire geséchert. No enger weiderer Safety-Car-Phas am leschten Drëttel vun der Course konnt den Dylan Pereira nach eng Plaz gutt maachen, sou datt hien e Sonndeg de Moien deen Zweete ginn ass. Um Podium stoung nach den Diego Bertonelli. Den Italiener huet vun enger 5-Sekonne-Strof vum Leon Köhler profitéiert an ass no der Arrivée nach op déi drëtte Plaz no vir geréckelt.

De Carlos Rivas ass e Sonndeg de Moien deen 11. ginn.