Bei der leschter Course vun der Saison konnte sech de Mike Conway, Kamui Kobayashi a Jose-Maria Lopez am Bahrain um Toyota TS050 Hybrid behaapten.

Et war eng Start-Zil Victoire fir den Auto mat der Nummer #7, virum Schwësterauto mat der Startnummer #8 mat de Piloten Sébastien Buemi, Kazuki Nakajima a Brendon Hartley.

Mat där Victoire hu si sech och den Titel an der LMP1 FIA World Endurance Drivers Championship 2020 geséchert. Et gouf awer net nëmme gefeiert no dësem Titelgewënn, well et war gläichzäiteg och de leschten Asaz vum Toyota Hybrid an der Laangstrecke-Weltmeeschterschaft.

An der Klass GTE Pro konnt Porsche eng Duebel-Victoire feieren am Bahrain. De Kevin Estre an de Michael Christensen gewanne virum Gianmaria Bruni an dem Richard Lietz. Am Schlussresultat vun der WEC geet den Titel awer un Aston Martin mat de Pilotn Nicki Thiim a Marco Sörensen, deenen am Bahrain eng 3. Plaz duergaangen ass, fir sech de WM-Tiel ze sécheren.

D'Gesamtwäertung bei de Konstrukteure geet och un Aston Martin, viru Porsche a Ferrari.

An der Klass GTE AM geet den Titel un AF Corse Ferrari mat de Piloten Emmanuel Collard, François Perrodo an Nicklas Nielsen. Eng zweet Plaz fir de Ferrari 488 GTE EVO ass hinnen am Bahrain duergaangen.