337 Kilometer goufen e Mëttwoch op Zäit gefuer, an hei konnt den Nasser Al-Attiyah weider Zäit guttmaachen.

Bei den Autoe konnt de Qatari Nasser Al-Attiyah op der längster Etapp vum Dakar Rally 2021 de Réckstand op de Stéphane Peterhansel op ënner 4 Minutte verkierzen.

Gewonne gouf d'Etapp wéi gesot vum Al-Attiyah (Toyota), virum Stéphane Peterhansel um X-Raid Mini an dem Henk Lategan (Toyota).

Am General ass de Fransous Peterhansel weider un der Spëtzt, 3 Minutten an 58 Sekonne virum Al-Attiyah. Op Plaz dräi ass de Carlos Sainz, mat elo scho 35 Minutten an 19 Sekonne Réckstand.

Bei de Motorrieder huet de Fransous Xavier de Soultrait (Husqvarna) déi beschten Affär gemaach. Hien ass de 5. ginn, dat mat engem Retard vu 7 Minutten op de Gewënner Joan Barreda Bort (Honda). Béid Piloten hu vun engem Navigatiounsfeeler vum Toby Price no 80 Kilometer profitéiert.

Am General ass de Xavier de Soultrait elo a Féierung. Hien huet e Virsprong vu 15 Sekonnen op de Barredo Port.

Resultater am Iwwerbléck

Den Dakar ass dëst Joer nees a Saudi-Arabien. 12 Etappen sti bis de 15. Januar um Programm.

Iwwersiicht vun den Etappen

Datum Start - Zil Distanz (Km) Wäertung (Km)
3.1. Jeddah - Bisha 622 277
4.1. Bisha - Wadi Ad-Dawasir 685 457
5.1. Wadi Ad-Dawasir - Wadi Ad-Dawasir 630 403
6.1. Wadi Ad-Dawasir - Riyadh 813 337
7.1. Riyadh - Buraydah 625 456
8.1. Buraydah - Ha'il 655 448
9.1. Roudag - -
10.1. Ha'il - Sakaka (M) 737 471
11.1. Sakaka (M) - Neom 709 375
12.1. Neom - Neom 579 465
13.1. Neom - Al-Ula 583 342
14.1. Al-Ula - Yanbu 557 511
15.1. Yanbu - Jeddah 452 225
  GESAMT 7.646 4.767