De Formel-1-Pilot Fernando Alonso war en Donneschdeg an en Accident mat engem Auto verwéckelt, wéi hien an der Schwäiz mam Vëlo ënnerwee war.

De Fernando Alonso huet sech de Kifer gebrach a gouf schonn operéiert. D'Ecurie Alpine, d'lescht Saison nach Renault, geet dovun aus, datt den 39 Joer alen Alonso fir den Optakt vun der Saison, den 28. Mäerz mam Grousse Präis vu Bahrain, nees asazbereet misst sinn.

Den Accident ass 1 Mount geschitt, éier d'Testfaarte fir den Optakt vun der Formel-1-Saison lassginn. Den 28. Mäerz ass dann déi éischt Course am Bahrain. Dem Alonso säin Depart bei dëser Course soll awer net a Gefor sinn, heescht et aus dem enken Ëmkrees vum zweefache Formel-1-Weltmeeschter.