Den 33 Joer ale Hyundai-Pilot louch vun e Freideg un a Féierung an huet der Konkurrenz keng Chance gelooss. Zweete gëtt de Kalle Rovanperä.  

De Rally-Weltmeeschter aus dem Joer 2009 huet de Rally an der Arkris vun Ufank un ugefouert an huet seng Féierung bis  zum Schluss verdeedegt. No 251,08 km hat den Ott Tänak e Virsprong vu 17,5 Sekonne virum Toyota-Pilot Kalle Rovanperä. De Finn ass elo och neie Leader am General, dat well de Gewënner vun der Rally Monte Carlo Sebastien Ogier de ganze Weekend iwwer net u seng Leeschtung vum Saison-Optakt uknäppe konnt. Op déi 3. Plaz fiert a Finnland den Thierry Neuville op Hyundai. Hien hat am Zil e Réckstand vun 19,8 Sekonnen op den Ott Tänak.

De Kalle Rovanperä huet am General elo 4 Punkte Virsprong op den Neuville. Déi nächste Rally gëtt vum 22-25 Abrëll a Kroatien gefuer.