E Sonndeg de Moie war den Optakt vum Porsche Supercup zu Monaco.

Pereira iwwer Optakt am Porsche Supercup / Rep. F. Hippert

Fir de Lëtzebuerger war et keen einfachen Optakt. De Qualifying e Freideg ass net gutt gelaf an den Dylan Pereira huet misse vun der zweetleschter Plaz starten. Bei senger Sortie de Route hat de Lëtzebuerger d'Leitplanken ze pake kritt, dobäi ass de Kühler beschiedegt ginn.

Direkt nom Start koum et zu enger Massekarambolage op der Héicht "Beau Rivage", der éischter Kéier vum Circuit, an där et méi dacks zu Accrochage kënnt. Gléck am Ongléck fir den Dylan Pereira, deen zwar mat Zäiten ofbremse konnt, awer hannert dem Accident huet misse ofwaarden bis d'Streck nees geraumt war.

Fir 3 Piloten, de Jean-Baptiste Siebenauer, Roar Lindland a Stéphane Denoual war d'Course duerno eriwwer. Allgemeng war de Start keen Einfache mat 2 Safetycar-Momenter.

Wéi z'erwaarde war et den Titelverdeedeger Larry Ten Voorde, deen d'Course um Enn fir sech decidéiere konnt, dat virum Jaxon Evans an dem Dorian Boccolacci.

Den Dylan Peraira, dee vun der 27. Plaz fortgefuer ass, koum als 11. duerch d'Arrivée, mat engem Retard vun +23.554 op de Leader.