Verpasst kee Moment a suivéiert déi komplett Course live a mat original engleschem Commentaire op RTL Play.

Virschau 24 h Le Mans mam Chris Leesch / Rep. F. Hippert

De Lëtzebuerger geet mat der Ekipp „RAC41 Chromeburner“ un den Depart vun de 24 Stonne vu Le Mans. Hien ass ee vun dräi Piloten. Zesumme mam Wayne Tessels a Grégory Fastre gi si an der Superstock-Klass un den Depart. An der FIM EWC gëtt an zwou verschiddene Kategorië gefuer. Et gëtt tëscht der „Formula EWC“- an der „Superstock“-Klass ënnerscheet. D'Superstock-Klass vum Chris Leesch explizéiert:

Déi legendär 24-Stonne-Course vu Le Mans gëtt dëst Joer wéinst Corona-Restriktiounen ouni Zuschauer gefuer. D'Pilote wiessele sech gewéinlech no 50 bis 55 Minutten of, wann den Tank eidel ass. D'Ekipp decidéiert iwwer déi richteg Taktik bei de Wiesselen.

De Chris Leesch a seng zwee Coequipieren (Wayne Tessels a Grégory Fastre) hunn e Freideg iwwerdeems d'Qualifikatioun hannert sech bruecht. D'Honda mat der Startnummer 41 vum Team RAC41 Chromeburner koum an hirer Klass (Superstock) op déi gutt 2. Plaz. Fir d'Pole Position huet nëmmen 0,1 Sekonn gefeelt. Am General koume si op déi 14. Plaz.

Verpasst kee Moment a suivéiert déi komplett Course live a mat original engleschem Commentaire op RTL Today an um RTL Play.