De Belsch huet sech no 26 Kilometer mat enger Avance vun 31 Sekonne virum Tejay van Garderen duerchgesat. De Chris Froome ass gefall a konnt net starten.

Op der 4. Etapp vum Critérium du Dauphiné stoung zu Roanne een Zäitfueren iwwer 26 Kilometer um Programm. De Wout Van Aert war hei dee séiersten. De Belsch huet sech mat engem Virsprong vun 31 Sekonne virum Amerikaner Tejay Van Garderen duerchgesat. Déi drëtte Plaz war fir den Hollänner Tom Dumoulin op 47 Sekonnen.

De Chris Froome war bei der Besichtegung vum Circuit gefall an an eng Mauer gerannt. Hie gouf duerno an d'Klinik bruecht. Wéi schlëmm hie sech blesséiert huet, ass bis ewell nach net gewosst. Sécher ass awer, datt de Brit dëst Joer net kann un den Depart vum Tour de France goen.

Leader am General ass elo den Adam Yates. De Brit huet e Virsprong vu 4 Sekonnen op den Dylan Teuns aus der Belsch.

D'Klassement vun der Etapp

1 Wout Van Aert (Bel) Team Jumbo - Visma 0:33:38
2 Tejay Van Garderen (USA) EF Education First 0:00:31
3 Tom Dumoulin (Ned) Team Sunweb 0:00:47
4 Steven Kruijswijk (Ned) Team Jumbo - Visma 0:00:49
5 Emanuel Buchmann (GER) Bora - Hansgrohe 0:00:51
6 Adam Yates (GBr) Mitchelton - Scott 0:00:56
7 Julian Alaphilippe (Fra) Deceuninck - Quick Step 0:00:59
8 Nils Politt (GER) Team Katusha Alpecin 0:01:05
9 Jakob Fuglsang (Den) Astana Pro Team 0:01:07
10 Rémi Cavagna (Fra) Deceuninck - Quick Step 0:01:10

De General

1 Adam Yates (GBr) Mitchelton - Scott 12:27:26
2 Dylan Teuns (Bel) Bahrain Merida 0:00:04
3 Tejay Van Garderen (USA) EF Education First 0:00:06
4 Jakob Fuglsang (Den) Astana Pro Team 0:00:07
5 Steven Kruijswijk (Ned) Team Jumbo - Visma 0:00:24
6 Thibaut Pinot (Fra) Groupama - FDJ 0:00:25
7 Emanuel Buchmann (GER) Bora - Hansgrohe 0:00:26
8 Alexey Lutsenko (Kaz) Astana Pro Team 0:00:30
9 Wout Van Aert (Bel) Team Jumbo - Visma 0:00:30
10 Nairo Alexander Quintana Rojas (Col) Movistar Team 0:00:40