Am ofschléissenden Zäitfueren ass dem Belsch eng 4. Plaz duergaangen, fir no 5. Etappen de General fir sech ze entscheeden.

Déi 5. a leschten Etapp vun der éischter gréisserer Etappecourse an dëser nach jonker Saison ass um Sonndeg mat engem Eenzel-Zäitfueren op en Enn gaangen. An de Stroosse vun Alès war iwwer 10,740 km de Filippo Ganna (Ineos Grenadiers) dee Séiersten. Zweete gouf de Benjamin Thomas (Groupama-FDJ). Op déi 3. Plaz ass dem Filippo Ganna säin Teamkolleeg Ethan Hayter gefuer.

De Leader am Klassement Tim Wellens (Lotto-Soudal) ass am Zäitfueren op déi 4 Plaz gefuer an huet domadder säi Virsprong am General verdeedegt, fir um Enn déi 51. Editioun vun der Étoile de Bessèges ze gewannen.

Beschte Lëtzebuerger am Zäitfuere war den Alex Kirsch op Trek Segafredo. Hien hat am Zil e Réckstand vun 1. Minutt a 6 Sekonnen an ass op d'Plaz 31 gefuer. Den Ivan Centrone (Xelliss-Roubaix Lille Métropole) ass als 45. mat engem Réckstand vun 1 Minutt a 16 Sekonnen iwwert de wäisse Stréch gefuer. De Jempy Drucker hat als 109. e Retard vun 2 Minutten a 15 Sekonnen.

Am General ass de beschte Lëtzebuerger den Ivan Centrone als 33. mat engem Réckstand vu 4 Minutten an 32 Sekonnen. Den Alex Kirsch klasséiert sech als 66. (+ 00:06:44). De Jempy Drucker ass mat iwwer 16 Minutten op der Plaz 83. komm.

D'Top10

1 Filippo Ganna (Ita) INEOS Grenadiers 00:15:00,33
2 Benjamin Thomas (Fra) Groupama - FDJ 00:00:10,49
3 Ethan Hayter (GBr) INEOS Grenadiers 00:00:21,25
4 Tim Wellens (Bel) Lotto Soudal 00:00:28,67
5 Christophe Laporte (Fra) Cofidis 00:00:31,03
6 Michal Kwiatkowski (Pol) INEOS Grenadiers 00:00:33,86
7 Alberto Bettiol (Ita) EF Education - Nippo 00:00:35,49
8 Owain Doull (GBr) INEOS Grenadiers 00:00:38,16
9 Nils Politt (GER) BORA - hansgrohe 00:00:38,49
10 Jake Stewart (GBr) Groupama - FDJ 00:00:41,61

De General


1 Tim Wellens (Bel) Lotto Soudal 13:56:23
2 Michal Kwiatkowski (Pol) INEOS Grenadiers 00:00:53
3 Nils Politt (GER) BORA - hansgrohe 00:00:59
4 Jake Stewart (GBr) Groupama - FDJ 00:01:02
5 Mads Würtz Schmidt (Den) Israel Start-Up Nation 00:01:19
6 Michael Gogl (AUT) Team Qhubeka ASSOS 00:01:24
7 Greg Van Avermaet (Bel) AG2R Citroën Team 00:01:25
8 Edward Theuns (Bel) Trek - Segafredo 00:01:36
9 Clément Carisey (Fra) Delko 00:01:41
10 Odd Christian Eiking (Nor) Intermarché - Wanty - Gobert Matériaux 00:01:45