Nodeems d'Coureuren iwwert d'Linn d'Arrivée gefuer sinn, huet et Minutten gedauert, bis ee wosst, wien um Enn gewonnen huet, eng Milimeter Entscheedung.

Am Vëlossport war um Sonndeg den éischten Ardenne-Klassiker d'Amstel Gold Race. An der Schlussphas konnte sech de Maximilian Schachmann, de Wout Van Aert an den Thomas Pidcock ofsetzen. Am Sprint war et um Enn de Wout Van Aert, dee sech am Fotofinish duerchsetze konnt. Op déi 2. Plaz fiert de Britt Thomas Pidcock. Fir de Schachmann ass et déi 3. Plaz.

De Luc Wirtgen huet sech als 46. op ronn 2 Minutte klasséiert an den Tom Wirtgen ass den 106. op ronn 6 Minutte ginn.

De Bob Jungels war 52 Kilometer virun der Arrivée an eng Chute verwéckelt a huet missen opginn. De Lëtzebuerger huet e bësse Kappwéi, ma bis elo awer keng Unzeeche vun enger Gehirnerschütterung. Donieft huet hie liicht Blessuren um Ielebou. Wéi et vun der Ekipp Ag2R-Citroën e Sonndeg den Owend heescht, wäert e Méindeg d'Decisioun falen, ob de Lëtzebuerger e Mëttwoch bei der Flèche Wallonne ka starten oder net.

Bei den Dammen, wou d'Christine Majerus net um Depart war, huet sech Marianne Vos duerchgesat. Mam Demi Vollering an dem Annemiek van Vleuten den hollännesche Podium komplett gemaach.

D'Top10

RTL

© RTL Screenshot