Fir de Slowen ass et déi zweete Victoire an dësem Tour de France. Déi 7. Etapp hat hien och scho gewonnen.

Op der 19. Etapp ass et e Freideg iwwer flaach 207 Kilometer vu Mourenx op Libourne gaangen. Um Pabeier war et eng Etapp fir d'Sprinter, ma et sollt anescht kommen. De Peloton huet eng Echappée vun 20 Coureure fuere gelooss. Dës ass bannent de leschten 30 Kilometer duerch eng Partie Attacken ëmmer méi kleng ginn. 21 Kilometer virun der Arrivée huet dunn de Matej Mohoric déi decisiv Attack gesat. De Slowen konnt sech ofsetzen a sech d'Victoire en solitaire sécheren.

Als Zweeten an Drëtte sinn de Christophe Laporte an de Casper Pedersen op 58 Sekonnen ukomm.

De Peloton mam Leader Tadej Pogacar ass mat engem Réckstand vun iwwer 20 Minutten ukomm. De Slowen bleift onverännert un der Spëtzt vum General.

De Mark Cavendish huet e Freideg eng Chance leie gelooss, fir sech eng weider Etappevictoire an der Grande Boucle ze sécheren. De Britt kënnt jo aktuell op 34 Succèsen an ass domadder gläich op mam Rekord vum Eddy Merckx.

E Samschdeg steet nach een Zäitfueren um Programm an e Sonndeg ass et dann d'Arrivée vum Tour de France zu Paräis. Hei huet de Cavendish nach eng lescht Chance, fir nach emol als Éischten iwwert de wäisse Stréch ze fueren. 4 Mol ass him dat scho bei der 108. Editioun gegléckt.

D'Top 10 vun der Etapp

1. matej mohoric 165 BAHRAIN VICTORIOUS 04h 19' 17"
2. christophe laporte 95 COFIDIS+ 00' 58"
3. casper pedersen 147 TEAM DSM + 00' 58"
4. mike teunissen 17 JUMBO - VISMA + 00' 58"
5. nils politt 76 BORA - HANSGROHE
6. edward theuns 48 TREK - SEGAFREDO + 01' 08"
7. michael valgren hundahl 115 EF EDUCATION - NIPPO + 01' 08"
8. georg zimmermann 218 INTERMARCHE - WANTY - GOBERT MATERIAUX + 01' 08"
9. anthony turgis 208 TOTALENERGIES + 01' 08"
10. jasper stuyven 47 TREK - SEGAFREDO + 01' 08"

D'Top 10 vum General

1 TADEJ POGACAR 1 UAE TEAM EMIRATES 79h 40' 09'' - B : 36''
2 JONAS VINGEGAARD 18 JUMBO - VISMA 79h 45' 54'' + 00h 05' 45''
3 RICHARD CARAPAZ 22 INEOS GRENADIERS 79h 46' 00'' + 00h 05' 51''
4 BEN O'CONNOR 124 AG2R CITROEN TEAM 79h 48' 27'' + 00h 08' 18''
5 WILCO KELDERMAN 73 BORA - HANSGROHE 79h 48' 59'' + 00h 08' 50''
6 ENRIC MAS 65 MOVISTAR TEAM 79h 50' 20'' + 00h 10' 11''
7 ALEXEY LUTSENKO 188 ASTANA - PREMIER TECH 79h 51' 31'' + 00h 11' 22''
8 GUILLAUME MARTIN 91 COFIDIS 79h 52' 55'' + 00h 12' 46''
9 PEIO BILBAO 162 BAHRAIN VICTORIOUS 79h 53' 57'' + 00h 13' 48''
10 RIGOBERTO URAN 111 EF EDUCATION - NIPPO 79h 56' 34'' + 00h 16' 25''

Quiz