An der Nuecht op e Mëttwoch eiser Zäit war zu Tokio d'Zäitfueren am Cyclissem bei den Dammen.

Hei konnt sech d'Annemiek Van Vleuten aus Holland duerchsetzen, dat mat enger Zäit vun 30 Minutten, 13 Sekonnen an 49 Honnertstel. Mat hir um Podium stoungen d'Marlen Reusser aus der Schwäiz (31:09,96) an d'Anna Van der Breggen och aus Holland (31:15,12).

Eenzeg Lëtzebuergerin an der Course war d'Christine Majerus, déi fir de Parcours vun 22,1 Kilometer a 34 Minutten, 34 Sekonnen an 13 Honnertstel hannert sech bruecht huet. Domadder koum si op d'Plaz 21 vu 25 Sportlerinnen.

Reaktioun vum Christine Majerus
Am Zäitfueren ass si op déi 21. Plaz komm.

Christine Majerus: Net mat eegener Performance zefridden

Christine Majerus iwwer hir Performance / Franky Hippert

Et war gewosst, datt d'Zäitfueren net onbedéngt der Christine Majerus hir Spezialitéit wär a si sech dowéinst och éischter op d'Stroossecourse konzentréiert hat. Fir déi 34 Joer ale Vëlosprofi ass et awer eng Saach vun der Eier gewiescht, un den Depart ze goen:

Ech hat awer meng Quali gewonnen, fir ze fueren, dat respektéieren ech dann och, och wann ech net mat menger eegener Performance zefridden sinn.

Zu Tokio ass et richteg waarm, mat Temperaturen bis 40 Grad an eng extrem Loftfiichtegkeet. Duerch d'Ausleefer vun engem Stuerm hat et awer eng Kéier ofgekillt, awer just en Dënschdeg.

Déi Wiederkonditiounen, Reen a méi kal, dat hunn ech méi gär. Gëscht hat ech meng bescht Trainingspreformance. Déi Wiederkonditioune sinn och mat där Hëtzt heiansdo geféierlech. Ech hunn léiwer Reen a 15 Grad, dat war hei net. Mat menger Stroossecourse an menger 20. Plaz sinn ech awer zefridden.

No London2012 an Rio2016 war d'Christine Majerus elo bei hiren drëtten Olympesche Summerspiller dobäi. Tokio2020 ass awer duerch Covid eng ganz speziell Editioun:

Virun allem, wann ee schonn aner Spiller kannt huet, ass dat hei alles anescht wéi normal. Mir hunn dat ausserportlecht am Fong guer net materliewe kënnen an dat ass traureg.

D'Klassement

RTL

© AFP

1 VAN VLEUTEN Annemiek Netherlands 0:30:13
2 REUSSER Marlen Switzerland +0:56
3 VAN DER BREGGEN Anna Netherlands +1:02
4 BROWN Grace Australia +1:09
5 NEBEN Amber United States +1:13
6 BRENNAUER Lisa Germany +1:57
7 DYGERT Chloe United States +2:16
8 MOOLMAN Ashleigh South Africa +2:24
9 LABOUS Juliette France +2:29
10 LONGO BORGHINI Elisa Italy +2:47
11 GIGANTE Sarah Australia +2:48
12 KIRCHMANN Leah Canada ,,
13 KLEIN Lisa Germany ,,
14 CANUEL Karol-Ann Canada +2:54
15 SHAPIRA Omer Israel +3:02
16 AMIALIUSIK Alena Belarus +3:08
17 NORSGAARD Emma Denmark +3:37
18 SHACKLEY Anna Great Britain +4:00
19 VAN DE VELDE Julie Belgium +4:10
20 AALERUD Katrine Norway +4:20
21 MAJERUS Christine Luxembourg +4:21
22 YONAMINE Eri Japan ,,
23 GARCÍA Mavi Spain +4:26
24 PLICHTA Anna Poland +4:43
25 ALIZADA Masomah Refugee Olympic Team +13:51