Op der zweeter Etapp vum Tour de Luxembourg stoungen e Mëttwoch 186,1 Kilometer um Programm, ugefaangen zu Stengefort a mat Destinatioun Eschduerf.

De Marc Hirschi huet dës Etapp fir sech entscheet an ass elo éischten am General. De João Almeida, deen en Dënschdeg déi éischt Etapp gewonnen hat, ass Zweete ginn.

Den Arthur Kluckers ass e Mëttwoch als beschte Lëtzebuerger als 32. op 5 Minutten an 41 Sekonnen ukomm. Am General ass hien och de beschte Coureur aus dem Grand-Duché a läit aktuell op der 33. Plaz op 6 Minutten an 48 Sekonnen.

TDL - 2. Etapp/Reportage Rich Simon

Eng Preview op déi nächst Etapp

Am Tour de Luxembourg ass et en Donneschden déi 3. Etapp. Leader am General ass zanter e Mëttwoch de Schwäizer Marc Hirschi. Hien huet 4 Sekonnen Avance op de Portugis João Almeida. Beschte Lëtzebuerger ass den Arthur Kluckers als 33. mat engem Retard vu 6:48 Minutten. No den zwou ganz schwéieren éischten Etappen hofft de Ben Gastauer, datt et e bësse méi roueg gëtt an datt hien déi lescht 3 Deeg vu senger aktiver Karriär nach genéisse kann.

16/09/2021 Cut Ben Gastauer 12h30 Simon

"Jo, et bleiwen nach 3 Deeg, wou ech muss op d'Zänn bäissen. Haut sinn ech bësse méi optimistesch wéi gëschter. Et muss een awer kucken, wéi d'Course verleeft. Wann awer nees de ganzen Dag iwwer richteg Course gefuer gëtt, da gëtt et nees schwéier, och wann de Parcours net esou schwéier ass. Et bleiwen nach Deeg, wou ee sech vill Spektakel kann erwaarden."

En Donneschdeg geet et iwwer 189,3 Kilometer vu Munneref op Mamer. Et dierft eng Etapp fir Sprinter ginn. D'Arrivée ass géint 16 Auer.

De Resumé vun der Cours

Knapp 3 Stonne virun der Arrivée hu sech de Sebastian Schönberger (B&B Hotels), de Kenny Moll (Bingoal), den Adam de Vos (Rally) an de Kamil Gradek (Vini Zabu) an der Echappée ofgesat. Knapp 30 Kilometer virun der Arrivée gouf dunn awer och dee leschte Leader vum Peloton ageholl. No 10 Kilometer huet dunn den Anthony Turgis vun Total Energies sech ofgesat an d'Féierung iwwerholl. De Fransous ass dunn och laang Zäit Leader bliwwen an ass tëschenzäitlech eng Avance vu ronn 30 Sekonnen erausgefuer. An de leschte 6 Kilometer ass de Peloton, zu deem och de Gewënner vum Dag zielt, ëmmer méi no erukomm an aus Esch-Sauer eraus fir erop op Eschduerf ass et dunn Almeida a Co. gelongen, de Coureur anzehuelen. Duerno huet den 3. vun der 1. Etapp de Marc Hirschi sech ofgesat a konnt och bis op d'Arrivée 1. bleiwen an dës wannen. De Joāo Almeida ass Zweete ginn.

Am General ass de Marc Hirschi elo den neie Leader, dat virum Joao Almeida. Den Arthur Kluckers ass als éischte Lëtzebuerger op 5 Minutten an 41 Sekonnen iwwert d'Zil gefuer. De Luc Wirtgen gouf 60. op 13 Minutten an 2 Sekonnen. De Cedric Pries an den Tom Wirtgen sinn als 88. an 89. iwwert d'Arrivée gefuer, allebéid mat engem Retard vun 13 Minutten an 18 Sekonnen. An dësem Grupp waren och de Bob Jungels (92.), de Ben Gastauer (100.) an den Alex Kirsch (101.).

D'Top10

1 HIRSCHI Marc - UAE-Team Emirates 4:45:12
2 ALMEIDA João - Deceuninck - Quick Step 0:08
3 GAUDU David - Groupama - FDJ ,,
4 FORMOLO Davide - UAE-Team Emirates ,,
5 DE LA CRUZ David - UAE-Team Emirates ,,
6 PINOT Thibaut - Groupama - FDJ ,,
7 LATOUR Pierre - Team TotalEnergies 0:20
8 REICHENBACH Sébastien - Groupama - FDJ ,,
9 QUINTANA Nairo - Team Arkéa Samsic ,,
10 CHAMPOUSSIN Clément - AG2R Citroën Team ,,
...
32 KLUCKERS Arthur - Leopard Pro Cycling 5:41
60 WIRTGEN Luc - Bingoal Pauwels Sauces WB 13:02
88 PRIES Cedric - Leopard Pro Cycling 13:18
89 WIRTGEN Tom - Bingoal Pauwels Sauces WB ,,
92 JUNGELS Bob - AG2R Citroën Team ,,
100 GASTAUER Ben - AG2R Citroën Team ,,
101 KIRSCH Alex - Trek - Segafredo ,,

De General

1 HIRSCHI Marc - UAE-Team Emirates 5 8:01:06
2 ALMEIDA João - Deceuninck - Quick Step 0:04
3 GAUDU David - Groupama - FDJ 0:19
4 PINOT Thibaut - Groupama - FDJ 0:23
5 FORMOLO Davide - UAE-Team Emirates ,,
6 DE LA CRUZ David - UAE-Team Emirates ,,
7 QUINTANA Nairo - Team Arkéa Samsic 0:33
8 CHAMPOUSSIN Clément - AG2R Citroën Team 0:35
9 MOLLEMA Bauke - Trek - Segafredo ,,
10 HERRADA Jesús - Cofidis, Solutions Crédits ,,
...
33 KLUCKERS Arthur - Leopard Pro Cycling 6:48
48 WIRTGEN Luc - Bingoal Pauwels Sauces WB 13:17
65 WIRTGEN Tom - Bingoal Pauwels Sauces WB 15:50
86 JUNGELS Bob - AG2R Citroën Team 19:49
87 KIRSCH Alex - Trek - Segafredo ,,
93 GASTAUER Ben - AG2R Citroën Team 23:48
101 PRIES Cedric - Leopard Pro Cycling 28:11