Op der 5. Etapp vum Tour de Luxembourg goung et e Samschdeg iwwer hiwweleg 183,7 Kilometer vun Miersch an d'Stad.

De João Almeida huet déi 81. Editioun vum Tour de Luxembourg gewonnen.  Déi leschten Etapp war fir de Fransous David Gaudu. Zweete gouf de João Almeida. Um leschten Dag ass den Alex Kirsch de 6. ginn.

Almeida wënnt Skoda Tour de Luxembourg / Rep. Rich Simon

Déi leschten Etapp hat et, genee wéi déi 4 virdrun, nees a sech. Iwwer 189 Kilometer ass et vu Miersch an d'Stad gaangen, wou um Enn vun der Etapp als Plat de Résistance nach 3 Mol de Pabeierbierg um Programm stoung. Vun Tour zu Tour ass de Peloton méi kleng ginn an zum Schluss koume just nach eng 40 Coureuren a Fro fir d'Etapp ze gewannen. Am leschte Kilometer huet den David Gaudu attackéiert an d'Schlussetapp gewonnen. De Fransous hat nëmme Luef fir déi 81. Editioun vum Tour de Luxembourg.  

David Gaudu: Et war wierklech ee ganz schéinen Tour de Luxembourg. Ganz flott Etappen, ganz flott Arrivéeën, gutt Stroossen. Ech hoffen, datt ech nach eng Kéier kann zeréckkommen. Mir kënne glécklech Heem fueren. Mir hunn et fäerdeg bruecht, eng Etapp ze gewannen, wat mir laang net méi fäerdeg bruecht hunn. Dat ass gutt fir d'Ekipp.

Den Alex Kirsch huet genee wéi déi Deeg virdru gewisen, datt d'Form am Virfeld vun der Weltmeeschterschaft stëmmt. Bis zum Schluss konnt hie mat deene Beschte mathalen a fiert als 6. iwwer d'Arrivée. Awer och de Luc Wirtgen als 27. ass an der selwechter Zäit wéi de Gewënner ukomm. Déi aner Lëtzebuerger haten alleguerten Retard op den éischte Grupp.

Schlussgewënner gëtt de João Almeida. An dat mat enger Avance vu 46 Sekonnen op  de Schwäizer Marc Hirschi. Beschte Lëtzebuerger gouf den Tom Wirtgen als 46. Säi Brudder Luc gouf de 47. Den Alex Kirsch de 56. De Bob Jungels klasséiert sech als 80., de Ben Gastauer als 86. an de Cédric Pries den 92.

Nodeems et dat leschte Joer vill Kritik gouf, muss een dëst Joer soen, dat d'Organisateure ronderëm de President Andy Schleck eng super Aarbecht gemaach hunn an datt déi 5 Etappen ouni Tëschefall op een Enn gaangen sinn.

Positive Bilan Tour de Luxembourg / Reportage Rich Simon
Interview Andy Schleck
Bilan Tour de Luxembourg

D'Top10

1 GAUDU David Groupama - FDJ 4:30:59
2 ALMEIDA João Deceuninck - Quick Step ,,
3 LATOUR Pierre Team TotalEnergies ,,
4 HIRSCHI Marc UAE-Team Emirates ,,
5 COSNEFROY Benoît AG2R Citroën Team ,,
6 KIRSCH Alex Trek - Segafredo ,,
7 MASNADA Fausto Deceuninck - Quick Step ,,
8 CHAMPOUSSIN Clément AG2R Citroën Team ,,
9 HERRADA Jesús Cofidis, Solutions Crédits ,,
10 LAZKANO Oier Caja Rural - Seguros RGA ,,
...
27 WIRTGEN Luc Bingoal Pauwels Sauces WB 0:27
39 WIRTGEN Tom Bingoal Pauwels Sauces WB 0:57
70 PRIES Cedric Leopard Pro Cycling 7:26
98 GASTAUER Ben AG2R Citroën Team 8:28
99 JUNGELS Bob AG2R Citroën Team ,,

De General

1 ALMEIDA João Deceuninck - Quick Step 17:20:44
2 HIRSCHI Marc UAE-Team Emirates 0:46
3 CATTANEO Mattia Deceuninck - Quick Step 1:05
4 DE LA CRUZ David UAE-Team Emirates 1:09
5 LATOUR Pierre Team TotalEnergies ,,
6 GAUDU David Groupama - FDJ 1:17
7 PINOT Thibaut Groupama - FDJ 1:27
8 HERRADA Jesús Cofidis, Solutions Crédits 1:43
9 NIBALI Vincenzo Trek - Segafredo 1:49
10 FORMOLO Davide UAE-Team Emirates 1:53
...
47 WIRTGEN Tom Bingoal Pauwels Sauces WB 18:58
48 WIRTGEN Luc Bingoal Pauwels Sauces WB 19:29
56 KIRSCH Alex Trek - Segafredo 22:25
80 JUNGELS Bob AG2R Citroën Team 31:38
86 GASTAUER Ben AG2R Citroën Team 36:35
92 PRIES Cedric Leopard Pro Cycling 39:57