Bei der 115. Editioun vun der "Il Lombardia" konnt sech de Slowen am Sprint géint de Fausto Masnada aus Italien duerchsetzen.

Bei der Tour de Lombardie stoungen um Samschdeg insgesamt 239 Kilometer um Programm. Fir d'Coureuren ëm de Favoritt Tadej Pogacar goung et vu Como op Bergamo.

Gutt 35 Kilometer virun der Arrivée war et dann och dëse Pogacar, deen déi decisiv Attack am Passo di Ganda lancéiere konnt. De Slowen konnt sech eleng ofsetzen, éiert sech de Fausto Masnada dem Pogacar 16 Kilometer virum wäisse Strich konnt uschléissen.

Um Enn sollt d'Entscheedung am Schlusssprint falen, an do war et dann de Pogacar, dee sech d'Victoire séchere konnt. Zweete gouf den Italiener Fausto Masnada. Den Adam Yates huet de Sprint vum Verfolgergrupp gewonnen a sech mat engem Retard vun 51 Sekonnen d'Victoire geséchert.

Et war kee Lëtzebuerger Coureur mat um Depart.

D'Klassement

1 POGAČAR Tadej UAE-Team Emirates 500 275 6:01:39
2 MASNADA Fausto Deceuninck - Quick Step 400 200 ,,
3 YATES Adam INEOS Grenadiers 325 150 0:51
4 ROGLIČ Primož Team Jumbo-Visma 275 120 ,,
5 VALVERDE Alejandro Movistar Team 225 100 ,,
6 ALAPHILIPPE Julian Deceuninck - Quick Step 175 90 ,,
7 GAUDU David Groupama - FDJ 150 80 ,,
8 BARDET Romain Team DSM 125 70 ,,
9 WOODS Michael Israel Start-Up Nation 100 60 ,,
10 HIGUITA Sergio EF Education - Nippo 85 50 2:25