E Samschdeg gëtt zu Ettelbréck an den Däichwisen de Championnat am Cyclocross gefuer.

Nodeems en Dënschdeg an den Däichwisen zu Ettelbréck wéinst dem ville Reen ënner Waasser stoungen, konnt ee fäerten, datt d'Championnat am Cyclocross e Samschdeg hätt mussen ofgesot ginn. D'Situatioun huet sech awer elo verbessert an d'Courssen dierfte wéi annoncéiert gefuer ginn.

E Mëttwoch de Mëtteg haten de Mathieu Kockelmann a säi Brudder Raphaël de Parcours vun e Samschdeg an den Däichwise getest. Den Éischtgenannte fiert fir d'Nowuessekipp vu Bora Hansgrohe an zielt zu de grousse Favoritte bei de Junioren, iwwerdeems den Raphaël bei der Elite ëm den Titel wëll matfueren. De Parcours huet sech op Grond vun deem ville Reen aus de leschte Stonne par Rapport zum Cross am Dezember vill verännert.

De Parcours ass fir d'Léit ganz iwwersiichtlech. Déi responsabel vum Ettelbrécker Veräi si gudder Déng, datt et flott Coursë ginn. Lass geet et e Samschdeg um 12 Auer. Den Depart vun der Haaptcourse ass um 15.15 Auer.