E Freideg an enger Woch fänkt den Tour de France zu Kopenhagen an Dänemark un.

D'Ekippe ginn an den nächste Stonnen an Deeg d'Selektioune bekannt, mee et gesäit ganz sou aus, wéi wann 3 Lëtzebuerger dobäi wieren.

1) Bob Jungels AG2R-Citroën (4. Tour de France)

2) Kevin Geniets Groupama - FDJ (1. Tour de France)

3) Alex Kirsch Trek-Segafredo (1. Tour de France)

E Mëttwoch de Mëtteg huet schonn emol d'Ekipp Groupama - FDJ d'Participatioun vum Kevin Geniets confirméiert.

En Donneschdeg huet d'Formatioun Ag2R Citroën hir Selektioun bekannt ginn. Ënnert de Coureuren ass de Bob Jungels.

D'Course kënnt Dir vum 1. Juli un all Dag live mat Lëtzebuerger Commentaire vum Kim Kirchen an Tom Flammang op RTL kucken.