De Weekend vum 25. Januar ass déi 21. Editioun vum Euro-Meet am Schwammen an der Coque.

D'Organisateuren hunn et och dëst Joer nees fäerdeg bruecht, fir eng Partie Welt-, Europa- an och Olympiagewënner op Lëtzebuerg ze kréien.

AUDIO: Euro-Meet am Schwammen - Rep. Jean-François Schneiders

Nei ass dëst Joer, dass den Euro-Meet als LEN-Swimming-CUP organiséiert gëtt. Den Euro-Meet mécht dobäi den Optakt vun enger Serie vu Competitiounen, déi dëse Stempel vun der europäescher Schwamm-Federatioun droen. Fir d'Organisateure ronderëm de Meet-Direkter Serge Hollerich ass dat eng zousätzlech Erausfuerderung.

AUDIO: Extrait Serge Hollerich

Den Euro-Meet huet och dëst Joer nees ee ganz héijen internationalen Niveau. Fir déi éischte Kéier ass och d'Nationalekipp aus Italien mat derbäi.

Raphaël Stacchiotti a Rémi Fabiani

Awer och Lëtzebuerger Athlete sinn um Depart, wéi de Raphaël Stacchiotti.

AUDIO: Euro-Meet mam Raphaël Stacchiotti: Ausbléck J.-F. Schneiders
VIDEO: Euro-Meet: Portrait vum Rémi Fabiani
Den Euro-Meet gëtt en éischte Kéier am Kader vum "LEN-Swimming-Cup" organiséiert. E Lëtzebuerger Nowuesschwëmmer am Portrait.