E Samschdeg ware Lëtzebuerger Sportlerinnen an der däitscher Basket-Bundesliga an an der 2. Handball-Bundesliga am Asaz.

Basket

D'Tina Welter huet mat senger Ekipp Vfl Waiblingen auswäerts zu Nürtingen an der 2. däitscher Handball-Bundesliga mat 28:31 de Kierzere gezunn. D'Lëtzebuergerin konnt bei der Defaite ëmmerhi 5 perséinlech Goler markéieren.

An der däitscher Basket-Bundesliga bei den Damme war e Samschdeg d'Magalie Meynadier am Asaz. D'Lëtzebuergerin konnt awer näischt géint eng däitlech Néierlag vun hiren Angels an der Partie géint Chemnitz ausriichten. Um Enn steet eng 80:63-Defaite op der Tafel.

Den Thomas Grün huet e Sonndeg mat de Gladiators Tréier eng wichteg Victoire realiséiert. Si gewannen nämlech mat 82:78 géint d'MLP Academics Heidelberg. De Lëtzebuerger stoung ronn 16 Minutte laang um Terrain an huet 5 Punkte markéiert.

Volleyball

Am belsche Volleyball-Championnat huet de Chris Zuidberg da mat senger Ekipp, dem VBC Waremme eng batter Néierlag missen astiechen. Si verléieren e Sonndeg nämlech mat 2:3 géint Tectum Achel. De Lëtzebuerger Nationalspiller huet 12 Punkte markéiert a war domat deen drëttbeschten a senger Ekipp.

Och de Kamil Rychlicki huet e Sonndeg mat senger Ekipp Ravenna 2:3 verluer, dat géint Kioene Padova. De Lëtzebuerger huet ganzer 27 Punkte markéiert a war domat dee beschte Spiller vu senger Ekipp.